8.8 C
Скопје
04:43 - 19 март, 2024

Ѓумбирот е лековит, но не за сите! Кој не смее да консумира ѓумбир?

Ѓумбирот е една од најлековитите намирници што се користи за третирање на низа здравствени проблеми и нарушувања. Многумина сакаат да пијат чај од ѓумбир, а една од омилените комбинации е ѓумбир, мед, лимон и лук за зајакнување на имунитетот. Сепак, треба да се користи внимателно, бидејќи не им одговара на сите. Луѓето со одредени здравствени состојби не смеат да го консумираат овој зачин.

Кој не смее да консумира ѓумбир?
Ако спаѓате во некоја од овие групи, задолжително советувајте се со лекар пред да започнете со консумирањето ѓумбир.

1. Ѓумбир и лекови за крвен притисок
Некои лекови за контрола на нивото на крвниот притисок може да имаат интеракција со ѓумбирот. Нивото на притисок потоа станува премногу ниско, така што може да се наруши и ритамот на срцето. Ако земате лекови за контрола на крвниот притисок, не започнувајте со употреба на ѓумбир пред лекарот да ви го дозволи тоа.

2. Ѓумбир и камења во жолчката
Жолчното ќесе се наоѓа под црниот дроб, поврзано е со жолчниот канал и служи како складиште за жолчката, која ги разградува маснотиите во цревата. Ако жолчните камења влезат во жолчниот канал, тие можат да го блокираат протокот на жолчката, поради што таа се враќа во црниот дроб.
Ѓумбирот го поттикнува производството на жолчка, така што луѓето што страдаат од жолчни камења може да имаат премногу високо ниво на жолчка во жолчниот меур. Мислењата на експертите се поделени, некои стручњаци препорачуваат да се зема ѓумбир за да се отстранат жолчните камења, додека други сметаат дека во такви ситуации, подобро е целосно да се избегнува ѓумбирот. Затоа е важно да разговарате со вашиот лекар пред да консумирате ѓумбир, а ако ви одобри негово користење, внимавајте на количината.

3. Ѓумбир и лекови против згрутчување на крвта
Ѓумбирот ја разредува крвта, што значи дека треба да го избегнуваат луѓето кои земаат лекови против згрутчување на крвта (антикоагуланти) или имаат нарушувања на крвавењето.

4. Ѓумбир и лекови за контрола на дијабетесот
Ѓумбирот може да го намали нивото на шеќер во крвта и е добар за дијабетичарите кои го контролираат нивото на шеќер исклучиво преку исхраната. Но, во комбинација со лекови, ѓумбирот може премногу да го намали нивото на шеќерот и да го зголеми ризикот од развој на хипогликемија. Затоа, дијабетичарите кои земаат лекови или инсулин можат да користат ѓумбир исклучиво со претходна консултација со лекар.

5. Ѓумбирот и бременост
Трудниците многу често користат ѓумбир за да ги ублажат утринските мачнини, но стручњаците советуваат да не го земаат без претходна консултација со лекар. Досегашните истражувања дадоа различни резултати во врска со консумирањето ѓумбир за време на бременоста, а загрижувачки факт е дека ѓумбирот може да го зголеми ризикот од спонтан абортус.
Причината за ова е зголемениот ризик од појава на крвавење во текот на бременоста, па се препорачува ѓумбирот целосно да го избегнувате ако страдате од нарушувања на крвавењето. Што се однесува до породилната тежината или вродените нарушувања, досегашните истражувања покажале дека ѓумбирот нема никакво влијание.

Колку ѓумбир смеете да консумирате?
Повеќето луѓе добро го поднесуваат ѓумбирот и често го користат за ублажување на пречките во варењето (гадење, повраќање), за ублажување на симптомите на артритисот и менструалните болки.
Стручњаците посочуваат дека луѓето кои не страдаат од никакви медицински состојби, можат да земаат четири грама ѓумбир во прав на ден. Трудниците дневно смеат да земаат еден грам ѓумбир во прав. Во истражувањата во кои се проучувало влијанието на ѓумбирот на здравјето, најчеста доза била 250 милиграми до еден грам ѓумбир три до четирипати на ден.
Она што е одлично кај ѓумбирот е тоа што можете да го користите во свежа состојба или во прав. Мелениот сушен ѓумбир е многу поконцентриран и треба да консумирате помалку кога е во таа форма, а една лажица свеж ѓумбир е еднаква на 1/4 лажичка ѓумбир во прав.

Слични објави

„Немам дечко веќе 40 дена“: Дара Бубамара отворено за мажите и врските

Еспресо

(Видео) Лозано има нова песна, слушнете ја „Бариера“

еспресо

Невкусен мајтап на Ким Кардашијан на сметка на „исчезнатата“ принцеза: „Одам да ја најдам Кејт“

еспресо

(Видео) Теа Таировиќ провоцира: Пејачката заводливо танцува во тесни хеланки

jasmina.kantardzieva

(Фото) Популарниот диџеј Дејвид Гета третпат стана татко: „Сијан, добредојде“

еспресо

(Фото) Прва фотографија од Амиџиќ со синот: Мина „улови“ емотивен момент, Огњен го држи Перун на градите

Еспресо
Се вчитува....