Оваа ефикасна диета ја смислил Хитоши Ватанабе, кој се бавел со проучување на превентивната медицина, и неговата сопруга Сумико, фармацевт.
База на оваа диета е појадокот кој содржи единствено банани и обична вода на собна температура.
Изумувачите тврдат дека диетата допринесува за значајно намалување на килограмите, без разлика на тоа што јадете во останатиот дел од денот.
Диетата е многу едноставна и лесна за држење, а многу Јапонци ја потврдиле нејзината ефикасност. Имено, кај голем број дошло до знајчајна загуба на килограми за време на експерименирањето со оваа диета.
Одговорот зошто оваа диета функционира е веројатно во тоа што бананите го забрзуваат метаболизмот и го поттикнуваат варењето. Втора можност лежи во видот на скроб што го содржат бананите, кој има понизок гликемиски индекс, а обезбедува чувство на ситост и делумно ја блокира апсорцијата на јагленохидрати.
Дополнително, водата на собна температура, го подобрува варењето и го намалува чувството на глад.
На лицата кои сакаат да ја практикуваат оваа диета им се советува и вечерниот оброк да биде пред 20 часот и да избегнуваат слакти после вечерата. Во случај на глад прифатливо е едно овошје.
Последно правило, но не помалку важно, на оваа диета е на спиење да се оди пред полноќ. За ова правило речиси не треба објаснување зашто и научните студии ја покажале поврзаноста меѓу доцното одење на спиење и гојазноста.
Забранети намирници во оваа диета се млечните производи и алкохолот.
Од напивки, дозволена е само водата на собна температура.
Бананите пак, мора да бидат сирови, а не печени, кувани или засладени.
