Во деновите додека трае карантинот, многумина утехата ја најдоа во храната. Со нејзина помош се обидуваат да се изборат со стресот и да ја победат монотонијата на секојдневието. Но, кога станува збор за прекумерното јадење, главниот проблем е тоа што најчесто се посегнува по оброци што изобилуваат со нездрави намирници, кои се богати со маснотии и со шеќер.
Според резултатите добиени од истражувањата направени на Универзитетот во Охајо, јадењето само еден оброк што изобилува со поголемо количество маснотии или шеќери и тоа во текот на денот, негативно влијае врз целокупното здравје.
Ваквиот вид храна исклучително лошо влијае врз меморијата и комплетно може да ја намали концентрацијата.
Со истражувањето биле опфатени 51 жена. Ним им било испитувано нивото на концентрација рано наутро, а потоа истото тестирање им било направено пет часа подоцна, односно неколку минути откако јаделе оброк полн со незаситени масти. Второто тестирање секогаш покажувало дека испитаниците имаат пад на концентрацијата.
Иако оваа студија не докажала што, всушност, се случува со мозокот кога внесувате висококалорична храна, сепак, според резултатите, работата на мозокот многу „опаѓа“ при внес на висококалорична и мрсна храна.
