Меѓу бројните прашања што ги отвори пандемијата на коронавирус е прашањето колку се заразни луѓето кои прележуваат ковид-19 без симптоми, т.н. асимптоматски случаи.
Новите податоци покажуваат дека приближно едно од пет заразени лица кои немаат симптоми може да го пренесе вирусот на значително помалку луѓе, отколку некој со симптоми.
Сепак, истражувачите сè уште се поделени околу тоа дали асимптоматските инфекции дејствуваат како „тивок предизвикувач“ на пандемијата, пренесува сајтот „Nature“.
Иако научниците сè повеќе ги разбираат асимптоматските случаи, тие велат дека луѓето треба да продолжат да ги користат превентивните мерки: дистанца, заштитни маски и миење раце без оглед дали имаат симптоми.
„Проблемот е во тоа што треба да ги разликуваме оние кои ја поминуваат заразата без симптоми од оние кои се во првите денови на инфекција, затоа што нивните симптоми сè уште не се развиени“, рече Крутика Купали, истражувач на заразни болести на Медицинскиот факултет на Универзитетот Стенфорд во Калифорнија.
Таа објасни дека асимптоматски случај е оној кој никогаш немал развиено симптоми на болеста, а пресимптоматски е оној кој има благи симтоми пред да се појават јасните симптоми на болеста.
Истражувањето на почетокот на пандемијата покажа дека стапката на асимптоматски инфекции може да биде и до 81%. Сепак, анализата обајвена минатиот месец, во која беа вклучени 13 студии со 21.708 лица, покажува дека таа вели дека стапката на асимптоматски инфекции всушност изнесува 17%.
„Доказите сугерираат дека повеќето луѓе развиваат симптоми за 7 до 13 дена“, рече водечкиот автор Ојунгерел Бјамбасурен, биомедицински истражувач на Институтот за здравствена заштита при Универзитетот Бонд во Голд Коуст, Австралија.
Исто така, податоците од истражувањето покажаа дека асимптоматските луѓе имаат 42% помали шанси да го пренесат вирусот отколку симптоматските.
„Како и да е, иако постои помал ризик асимптоматските случаи да го пренесат вирусот, сепак тие можат да претставуваат значителен ризик за јавното здравје, бидејќи најверојатно ќе бидат на отворено, меѓу луѓе, отколку дома“, рече Ендру Азман, епидемиолог од Универзитетот Хопкинс и посочува дека значителен дел од заразата е последица на асимптоматско пренесување.
Други истражувачи, сепак, веруваат дека асимптоматските случаи не се „тајни предизвикувачи“ на оваа пандемија, бидејќи тие обично не кашлаат или киваат, со што, не го оставаат вирусот на површините околу себе.
