Жена била извлечена жива од под урнатините во градот Кирихан 104 часа по земјотресот во Турција. Жената и спасувачкиот тим беа поздравена со овации и солзи радосници од сите кои беа сведоци на спасувањето.
Германските спасувачи внимателно ја извлекоа 40-годишната Зејнеп Кахраман на носилки од скршените блокови од бетон и искривен метал во градот Кирихан.
„Сега верувам во чуда“, рече Стивен Баер, водач на Меѓународниот тим за пребарување и спасување.
„Можете да видите луѓе како плачат и се гушкаат еден со друг. Големо олеснување е што оваа жена беше извлечена во толку добра состојба во овие услови. Тоа е апсолутно чудо“, додаде тој.
Досега е потврдено дека загинале 24.000 луѓе од земјотресот што ги погоди југоисточна Турција и северозападна Сирија.
Стотици илјади други останаа без покрив над главата и без храна во тешките зимски услови, очајни барајќи помош за да им се олеснат маките.
