Српската манекенка Јована Ѓорѓевиќ (29) која живее во Италија со сопругот, прозборе за пандемијата на коронавирус, кој моментално во таа земја однесе бројни животи.
Сопругата на фудбалерот Филип Ѓорѓевиќ (32), кој игра за Киево Верона, се огласи на Твитер и предизвика многу реакции.
– Не сум ги видела децата од први март. Јас сум во Италија, а децата ми се во Србија. Можев да дојдам петпати досега ако сакав, но не сакав да загрозам нечија сигурност, иако не сум излегувала од станот, па така веројатноста дека сум заразена е многу мала, но сепак постоеше – истакнала Јована.
Додаде дека таа се ставила во самоизолација уште пред италијанската влада да ја донесе таквата одлука, бидејќи не би можела да поднесе некој друг да настрада поради нејзините грешки.
Imam nesto da kazem. pic.twitter.com/anC0tay8Cg
— Call Me Lolita (@SvonjaJovana) March 16, 2020
– Не можам да ја разберам човечката глупост и безобразлукот да не се придржуваат до мерките, туку шетаат низ градот и можат да го пренесуваат вирусот, бидејќи мислат дека тој не им може ништо – напиша Ѓорѓевиќ.
– И да немате родители, баби, дедовци, браќа, сестри, пријатели за кои се грижите, тоа и понатаму не објаснува зошто сте себични говеда без тронка совест и здрав разум. Останете дома и така спасете нечиј живот – советува манекенката.
