Претседателот на Украина, Володимир Зеленски, во вечерното обраќање до нацијата и светот даде ужасна оценка за ситуацијата во Донбас. „Пекол е, без претерување“, рече тој.
„Брутално и апсолутно бескорисно бомбардирање на Северодонецк… 12 мртви и десетици повредени во еден ден. Бомбардирани се и други градови, воздушни и ракетни напади на руската армија: сето ова не е само воено непријателство“.
„Руски напади во регионот Чернихив, особено страшен удар во Десна, многу мртви; континуирани напади во областа Одеса, во градовите во централна Украина, Донбас е целосно уништен – сето тоа нема воено објаснување за Русија“, продолжи украинскиот претседател.
„Ова е намерен и криминален обид да се убие што е можно повеќе Украинци. Да се уништат што е можно повеќе домови, општествени структури и бизниси.
Тоа е она што ќе се оквалификува како геноцид на украинскиот народ и за што окупаторите секако ќе бидат изведени пред лицето на правдата“, додава тој.
Понатаму Зеленски повторно се наврати на финансиската и воена поддршка која е неопходна. Како што војната се одолговлекува, „месечниот буџетски дефицит во Украина сега е 5 милијарди долари. А за да ја издржиме војната до слобода, потребна ни е брза и доволна финансиска поддршка “. „И тоа не се само трошоци или подарок од партнерите. Ова е нивниот придонес за нивната безбедност“, додаде тој. – Затоа што одбраната на Украина значи и нивна одбрана од новите војни и кризи кои Русија може да ги предизвика. Ако успее во војната против Украина. Еве – заклучи Зеленски – зошто мораме сите заедно да работиме за да се осигураме дека Русија нема да успее во својата агресија врз нашата држава“.
