Украинскиот претседател Володимир Зеленски го повика Олаф Шолц да заземе појасен став во конфликтот со Русија и ги критикуваше обидите на германскиот канцелар да „одржи рамнотежа“ во односите меѓу Киев и Москва.
„Потребно ни е канцеларот Шолц да не увери дека Германија ја поддржува Украина. Тој и неговата влада мора да одлучат“, рече Зеленски во интервју за германската телевизија ЗДФ.
„Шолц и неговата влада мора да донесат одлука: не треба да има обид да се одржи рамнотежа во односите меѓу Украина и Русија“.
Понатаму, Зеленски ѝ замери на Германија дека почнала да ѝ помага на Украина многу подоцна од другите западни земји: САД, Велика Британија и земјите од источна ЕУ.
„Германија започна со испорака на оружје подоцна од нејзините соседи. Ова е факт“, додаде Зеленски, пренесува раињуз.
