Од сите страни пристигнуваат критики за модната библија – списанието „Вог“ за фотосесијата со супермоделите од 90-тите Синди Крафорд, Линда Евангелиста, Наоми Кембел и Кристи Тарлингтон, пишува Дејли Мејл.
Станува збор за септемвриската насловна страна на американскиот и британскиот Вог, чии хероини беа култните супермодели од 90-тите – Кристи Тарлингтон, Синди Крафорд, Наоми Кембел и Линда Евангелиста.
View this post on Instagram
Откако списанието го објави новото издание, бројни се критиките на сметка на Вог. Модните вљубеници забележаа дека „катастрофално здодевната“ корица ги претставува врвните супермодели од 90-тите да изгледаат како „вистински домаќинки веднаш по будење“ .
„Од креативна гледна точка, тие (супермоделките) би можеле да направат се, а тука се сите црни, стојат во агол со страшно осветлување. И тоа е се што смислија урдениците на Вог. Што е ова, будење?“, „Требаше да биде неверојатно, оваа насловна требаше да не замолчи сите, но поради некоја причина излезе рамнодушна, и тоа е многу навредливо“, „Ги направивте супермоделите да изгледаат како да се домаќинки. Какво непочитување“, напишаа критичарите на Твитер.
Главниот уредник на британскиот „Вог“, Едвард Енифул, кој наскоро ќе ја напушти функцијата за да стане глобален креативен и културен советник на Вог, беше одговорен за стилизирањето на топ моделите за насловната страница. Супермоделките се фотографирани од Рафаел Павароти.
