Внуката на британската кралица Елизабета Втора, 18-годишната Лејди Луиз Виндзор, летово се вработила во градинарски центар каде што работи неколку дена во неделата за минимална плата, пишува Дејли Мејл.
Ќерката на принцот Едвард и војводката Софи од Весекс, заработува 6,63 фунти на час, иако живее во замок од 30 милиони фунти во Багшот Парк, во округот Сари и воопшто не мора да работи.
Луиз оваа година завршила средно училиште со врвни оценки и се запишала на Универзитетот во Сент Ендрјус, потврдија од Бакингемската палата. Таа ќе студира англиски јазик на истиот колеџ каде што се запознале Кејт Мидлтон и принцот Вилијам.
Локацијата на градинарскиот центар каде што работи не е откриена, но познато е дека таа работи на каса, им помага на клиентите и сади растенија.
View this post on Instagram
Неколку муштерии кои ја препознале контактирале со британските медиуми.
„Знаев дека трошоците за живот се навистина високи во кризата, но никогаш не мислев дека ќе ја видам внуката на кралицата како работи во градинарски центар“, се пошегува еден купувач за The Sun, додека друг рече: „Персоналот ја обожава. Не се случува секој ден да купуваме бегонии од член на кралското семејство“. Останатите ја пофалиле дека е скромна, приспособлива и учтива и дека се однесува како нормална тинејџерка.
View this post on Instagram
Луиз нормално е многу блиска со нејзината баба, кралицата и имала клучна улога на неодамнешната прослава на нејзиниот платинест јубилеј, пред да се појави на познатиот балкон на Бакингемската палата со остатокот од кралското семејство.
Таа има и помлад брат, Џејмс, кој има 14 години, а двајцата се во сенка на нивните многу попознати братучеди, принцовите Луис и Џорџ и принцезата Шарлот.
View this post on Instagram
