Познатиот пејач и поранешен фронтмен на групата „Бијело дугме“, Жељко Бебек доживеа непријатност на неодамна одржаниот концерт во Загреб по повод 50 години од неговата кариера, пишуваат српските медиуми.
Според видеото кое се прошири на социјални мрежи, Бебек настапувал во Загреб кога доживеал несреќа и паднал на бината.
Додека носел мегафон во рака и се приближувал кон публиката, Бебек наеднаш колабирал. Кога се обидел да стане, повторно изгубил рамнотежа и паднал.
На крајот, пејачот некако дошол до клавијатуристот и се држел за него, бидејќи очигледно имал проблем да остане на нозе.
И додека едни тврдат дека Жељко „испил половина кафана“, како што пишува во една од неговите песни, други се расправале и го бранеле во коментарите, тврдејќи дека е јасно дека се сопнал, а трети коментирале дека „мажот можеби има проблем“.
Željko Bebek pada po bini pic.twitter.com/HQNwZNOVuu
— Rade Fantastični (@RFantasticni) November 27, 2023
