Британскиот кантавтор Стинг повторно ја запеа песната објавена во 1985 година како повик за заедничка хуманост и трогателно навраќање на советското минато, мислејќи на Украина.
Песните на Стинг се безвремени, но оваа, насловена Russians, не случајно повторно ја испеа сакајќи да испрати мировна порака.
Добитникот на Греми на Инстаграм објави видео како ја пее песната Russians. Во објавата тој напиша: „Ретко сум ја пеел оваа песна многу години откако е напишана, бидејќи никогаш не мислев дека повторно ќе биде релевантна“, објаснувајќи дека во фокусот на крвавата и страшно погрешна одлука на еден човек да нападне мирен, незагрозен сосед, песната е молба за покажување на заедничко разбирање и човечност.
„За храбрите Украинци кои се борат против оваа брутална тиранија но исто така и за многбројните Руси кои протестираат против ова лудило и покрај заканите од апсења и затвор – Ние, сите ние, ги сакаме нашите деца, престанете со војната“, напиша кантавторот.
View this post on Instagram
