Српската пејачка Марија Шерифовиќ првпат се појави во јавноста на ТВ Пинк во 1998 година. Таа гостуваше кај нејзината мајка Верица Шерифовиќ и заедно го отпеаја хитот на познатата група „Сунцокрети“ – „Моје бубе”.
Мајката и ќерката првпат ги вкрстија гласовите и заедно настапија пред телевизиските гледачи.
Марија тогаш имала 14 години. Таа била осмо одделение, но ги покажала своите гласовни способности. По тој повод носела патики, фармерки, маичка над која облекла кошула. Интересно, таа остана доследна на својот стил до ден-денес.
Нејзината мајка во таа прилика исто така била во опуштено издание и јасно се гледа дека била згодна и природно убава жена.
Оттогаш Марија е честа гостинка во емисиите и се‘ почесто ги покажува своите вокални способности. Публиката се заљуби во нејзината непосредност, а хитовите кои ги објавуваше во соработка со композитори и текстописци постојано се нижеа.
Шерифовиќ од самиот почеток покажа дека нејзиниот моќен глас и талент се нејзиниот најголем адут.
Верица и Марија се поддржуваат и во добри и во лоши моменти. Марија стана родител на почетокот на декември минатата година и секојдневно покажува колку ѝ е важна таа улога.
