Помладата ќерка на пејачката Наташа Беквалац, Катја, денеска го слави седмиот роденден, а по тој повод емотивни честитки и упатија бројни пријатели и членови на семејството.
Меѓу нив е и сестрата на Наташа, Кристина Беквалац , која на социјалните мрежи ѝ испрати трогателни зборови на својата внука.
Кристина сподели емотивна порака на својот Инстаграм профил, во која ја истакна посебната врска што ја има со Катја, опишувајќи ја како „посебно девојче кое нѐ учи сите нас толку многу“. Во нејзините зборови имаше многу љубов и топлина, а Кристина се заблагодари што е тетка на малата Катја, додавајќи дека заедно со неа ќе ја „нервирале мама Наки“:
– Пред седум години се роди едно многу посебно девојче кое сите нè научи толку многу од почетокот на нејзиниот живот… Кеко моја, моето рипче, мојата љубов Кикина, пресреќна сум што сум твоја тетка и што те разбирам и чувствувам сѐ за тебе од денот кога се запознавме и што заедно ќе ја нервираме мама Наки. И ти благодарам што си најдобрата помала сестра на светот, полна со љубов, радост и лудост. Тетка ти Кика те сака до небо и назад – напиша Кристина, а оваа објава ја сподели и Наташа, заедно со бројни честитки од пријателите и обожавателите.
Покрај Кристина, Наташа сподели и како започна роденденското утро на нејзината ќерка:
Бидејќи го најдовме Хепи на улица, решивме да ги прославиме родендените на Катја и неговиот во ист ден. Го доби најдобриот татко на светот. Ова чудно, но многу љубовно семејство го започна роднденот на Кети вака – напиша Наташа покрај фотографијата од тортата за нејзината ќерка и кученцето.
