Групата „Магазин“ викендов настапи во Марија Бистрица како дел од програмата Адвент. Настапот беше закажан за 21 декември, но беше одложен поради трагедијата што се случи во основното училиште во Пречко. Новата пејачка на групата, Лорена Буќан настапи болно и со висока температура.
На Лорена во еден момент ѝ се слоши и извесен период ја напушти сцената. Една песна ја испеа клавијатуристот на бендот, но потоа на сцената излезе млада жена од публиката и му понуди на бендот да пее наместо Лорена.
@hrvoje_debeljak Loreni je pozlilo (pjevala s temperaturom 38,5), a spas je bila učiteljica Helena iz publike koja se bavi pjevanjem #magazin #lorenabucan #helenagalovac #marijabistrica ♬ original sound – hrvoje_debeljak
Станува збор за Хелена Галовац, наставничка од Коњшчина и вокал на групата „Rusty Groove“. Таа отпеа неколку песни, а снимките се проширија на ТикТок.
Луѓето беа воодушевени од пеењето на Хелена. „Одлична е“, „Многу добра“, „Браво Хелена“, „Голема почит“, „Кралица“, се дел од коментарите.
Откако Хелена изведе неколку песни, Лорена се врати на сцената и го заврши концертот.
