Каролина Гочева вечерва го промовираше видеоспотот за нејзината нова песна, со што пријатно ја изненади нејзината верна публика од целиот регион.
Таа на официјален јутјуб-канал го објави видеоспотот за песната со наслов „Мог живота дио“, а веднаш по промоцијата следуваа позитивни реакции од обожавателите на пејачката.
„’Мог живота дио’ беше љубов на прво слушање. Снимена пред повеќе од една година, спотот нешто брзо после тоа… би била среќна доколку оваа песна ве допре и вас на истиот начин на кој ме допре и мене“, напиша Каролина во објава на социјалните мрежи.
Автор на музиката и текстот е Дино Мухаремовиќ, а аранжманот го направил Дино Шукало. Видеоспотот е во режија на Миомир Милиќ.
