Српската пејачка Марија Шерифовиќ денеска претстави песна која му ја посвети на својот новороден син.
Таа неодамна објави дека го доби синот Марио со помош на сурогат-мајка и објасни дека целиот процес бил спроведен во Америка, каде што сè уште е со своето бебе.
Пејачката му ја посвети песната со наслов „Долази љубав“ на синот Марио, која ја најави со емотивна порака на својот инстаграм-профил.
View this post on Instagram
„Мојот спокој доби лице, а моето срце сега има безбедно засолниште. Музиката отсекогаш ми била единствениот начин да се објаснам, да споделам парче од мојата душа. Му ја напишав песната ‘Долази љубав’, додека го чекав и сонував. Затоа денес ја споделувам со сите вас, за со него да сонувате за сите оние кои ви носат љубов и мир. Мојата љубов дојде – нејзиното име е Марио. Сине мој, ова е првиот подарок за тебе“, напиша Марија на својот Инстаграм профил.
Песната „Долази љубав“ е воедно и последната песна од истоимениот албум кој беше објавен пред два месеци и со бројот на прегледи комплетно го освои регионот каде со недели беше на самиот врв.
