Кралицата Елизабета, облечена во палто и со шапка во ист тон – светло зелена (јаболко) нијанса на „изненадување“ се појави на балконот на Бакингемската палата на крајот од парадата во нејзина чест со која по четири дена се затвораат јавните прослави на платинестиот јубилеј.
View this post on Instagram
Со прославите се славеа 70 години од владеењето на кралицата, период на владеење кој никогаш не го достигнал ниеден монарх во вековната историја на британската монархија.
Елизабета излезе на неколку секунди на балконот со престолонаследникот Чарлс и неговата сопруга Камила, принцот Вилијам, втор по ред, со сопругата Кејт и трите деца Џорџ, Луис и Шарлот. Додека кралското семејство мавташе, толпата ја пееше националната химна „Боже, чувај ја кралицата“.
View this post on Instagram
Непосредно пред тоа, знамето беше подигнато за да го означи присуството на кралицата во палатата.
Пред влезот на Бакингемската палата, шоуто кулминираше на сцената каде што – непосредно пред излегувањето на балконот – поп ѕвездата Ед Ширан настапи со возбудлива верзија на неговиот хит „Пефект“, посветена на нејзиното височество.
Како што веќе се случи по повод Златниот јубилеј во 2009 година и дијамантскиот јубилеј во 2012 година, граѓаните го организираа „Големиот јубилеен ручек“, на кој присуствуваа и членовите на кралското семејство.
View this post on Instagram
