Александра Пријовиќ на новогодишната ноќ го изведе својот нов сингл „Последњи кабаре“, за да им се заблагодари на фановите за сите успеси постигнати со албумот „Девет животи“ и регионалната турнеја „Од исток до запад“.
Песната ја напишал нејзиниот сопруг Филип Живојиновиќ, како и поголем дел од хитовите од нејзините албуми, но оваа балада очигледно не ѝ се допадна на нејзината публика. Некои отидоа до таму што ја замолија да ја прекине соработката со сопругот зашто сите песни што тој ги сработил за неа се речиси идентични.
„Океј, сега навистина. Филип треба да престане да ѝ прави песни! Како некој може да слуша музика чиј текст гласи: “О како сум глупа, Боже!“ Ужасно и непријатно! Ајде што и мелодијата е иста туку текстот е уште полош од вообичаено. Препакување на една те иста песна! Морничаво!“ – гласат некои од коментарите на Икс (поранешен Твитер).
