Српскиот патријарх Порфириј вчеравечер во Белград го пречека поглаварот на Македонската православна црква архиепископот Стефан и тројца митрополити и им посака добредојде.
„Како што бијат камбаните на црквата Свети Сава, така и нашите срца чукаат од радост поради овој благословен ден. Добредојдовте драги браќа! Добредојдовте брате Архиепископ Стефан и Владико. Ние сме браќа и само браќа!“ напиша патријархот Порфириј на Инстаграм со видео од средбата.
View this post on Instagram
Денес во црквата Свети Сава во Белград ќе се одржи литургија за помирување на архиепископот Стефан и српскиот патријарх Порфириј.
Владиката Тимотеј очекува до крајот на мај да се заокружи постапката со нашето барање автокефалност, како предлог на Српската црква и со согласност на сите православни цркви.
