Американскиот хип-хоп могул Џеј Зи одлучи повторно да се приклучи на платформата за споделување фотографии по деактивирањето на својот профил пред две години по еднодневен стаж на оваа социјална мрежа.
Сопругот на Бијонсе повторно го активира својот профил во вторникот.
Што се однесува до неговите следачи на „Инстаграм“, водителот на Empire State of Mind се чини дека сака да следи само една личност – својата сопруга пејачка.
А добитничката на „Греми“ е многу поселективна бидејќи не го следи ни него ни кој било друг на оваа апликација.
Џеј Зи и Бијонсе се во брак од 2008 година, имаат три деца – Блу Ајви (11) и близнаците Руми и Сер (6). Нивното заедничко богатство се проценува на речиси 3 милијарди долари.
Џеј Зи (53) дополнително објасни зошто одлучил повторно да се приклучи на платформата. Неговата прва и единствена објава досега е за претстојниот филм The Book of Clarence, сместен во библиско време.
Тој ги почести своите 160.000 следачи со трејлер за филмот, во кој ќе глуми Лекејт Стенфилд.
Филмот што го промовира ја следи лошата среќа на еден млад човек од Ерусалим, кој се обидува да профитира од новиот пророк, кој бргу стекнува сè поголема слава и моќ.
Освен што ја компонира музиката за филмот, Џеј Зи исто така е и продуцент. Во филмот глумат Бенедикт Камбербач, Џејмс Мекавој, Лакејт Стенфилд и Омај Сај.
Џеј Зи креира свој профил на „Инстаграм“ во септември 2021 година за да го промовира The Harder They Fall, филм што исто така го продуцира тој. Во рок од 24 часа собра милион следачи и набргу потоа го отстрани профилот.
