Фолк ѕвездата Светлана Цеца Ражнатовиќ летува во својата вила на Кипар, каде што често престојува, особено во летните денови.
Пејачката отпатува за Кипар каде поседува луксузна вила покрај море.
Цеца по бројните настапи и обврски замина во својата оаза на мирот и одлучи да ги наполни батериите за претстојниот период.
Пејачката сега на својот инстаграм-профил сподели кратко видео во кое покажа како ужива во ноќното капење во базен додека пред неа се простира глетката на отворено море. Заедно со ова видео таа ја избра и емотивната песна „Верувам во нас“ од Ади Сошет.
Друштво на Цеца на одмор ѝ прави сестрата Лидија Оцокољиќ, а пред неколку дена на еден медитерански остров ги сретнале кумовите и пријателите на пејачката. Дамите излегле заедно на вечера, а Цеца ги снимила пријателките како уживаат во неврзан муабет.
