Српската фолк пејачка Светлана Цеца Ражнатовиќ објави интересно видео на социјалните мрежи, приклучувајќи се кон популарниот тренд „Што има во мојата чанта?“.
Во авионот, Цеца одлучила да сними видео кое го привлече вниманието на многумина, бидејќи сите сакаат да видат што има во нејзината чанта.
Во рацете држела чанта „Ермес“, модел „Биркин“, едно од најпрестижните модни парчиња во светот.
Чантата е во класична црна боја, изработена од Того кожа, позната по својата издржливост и отпорност на гребнатини. Златните детали, вклучувајќи копче и катанец, ја прават ултимативен луксузен додаток.
View this post on Instagram
Кога ја отворила чантата, Цеца признала дека ниту самата таа не знае што носи.
– Да видиме што има во мојата чанта, всушност и јас да видам, немам поим, само ја ставам во чантата. Пасош, еден телефон, друг телефон, влажни марамчиња, госпоѓа Бибер (млеко за лице на Хејли Бибер), крем за раце, фантастична – дојдете кај мене за реклама (се смее). Ајде да видиме што друго има… Не можам да функционирам без ова – бомбони за моето грло, очила за далечина, балсам за усни, маска, огледалце со моето име „Цеца“ што ги добив од обожавател, очила за блиску, бидејќи имам астигматизам, па сум малку ќорава! (се смее) Шарлотичка, омилена! Крпчиња за очилата, парфем, боичка за веѓи, секако, не излегувам од дома без тоа. Тоа е тоа засега – рекла Цеца.
Инаку, чантата „Биркин“ е препознатлива по кратките рачки и системот на преклопување со ремени, но често се носи отворена поради практичност.
Овој модел не е само моден детаљ – се смета и за инвестициско парче, чија вредност често се зголемува со текот на годините, додека во официјалните продавници е тешко достапен поради долгите листи на чекање.
