Музичката ѕвезда Александра Пријовиќ откри што точно се случило на сцената пред крајот на првиот концерт во Арена Загреб .
Девојка од публиката се обидела да се качи на бината кај Александра, но обезбедувањето ја спречило во тоа. Во моментот кога ја симнувале од бината, припадник на обезбедувањето се сопнал и паднал, па морале да се погрижат за него зад сцената.
Веднаш му била укажана помош, а Пријовиќ на кратко го прекинала концертот и дошла да види дали сѐ е во ред.
Како вистински професионалец, таа до крајот го одржа концертот на кој на сцената ѝ се придружи синот, а на прес-конференцијата откри што се случило.
– Како што секогаш се случува на концертите, момците од обезбедувањето ѝ рекле на девојката дека не може да излезе на сцена. Кога видов дека тоа се случува, ми беше жал што таа не се качи и не дојде кај мене. Но, кога ѝ реков „ајде дојди“, не ја видов повторно – рекла Александра која истакнала дека ѝ е многу жал што тоа се случило.
Изјавата на Пријовиќ можете да ја видите ТУКА.
