Српскиот тенисер Новак Ѓоковиќ по десетти пат во кариерата го освои Австралија опен.
Тој во три сета го совлада Гркот Стефанос Циципас, но мечот беше многу тензичен. Новак во еден момент од овогодинешното финале жестоко му се развика на својот тренер Горан Иванишевиќ. Во својот говор по освојувањето на трофејот, тој јавно му се извини, а реакцијата на Иванишевиќ беше урнебесна.
View this post on Instagram
„Какво патување за моето семејство, за мојот тим, за мене… Не знам од каде да почнам. Ништо не земам здраво за готово. Знам дека понекогаш треба да ги толерирате и најлошите страни на мојот карактер, и на теренот и надвор од него. Ја ценам љубовта, трпението и поддршката што ми ја давате“, рече Ѓоковиќ, а потоа со насмевка погледна кон Иванишевиќ.
“This trophy is yours as much as mine.”@DjokerNole gives credit to his team.#AusOpen • #AO2023 pic.twitter.com/LAA7MlKrT3
— #AusOpen (@AustralianOpen) January 29, 2023
„Зошто се смееш, Горане? Не знам дали некогаш ќе ми простиш за тоа што ти го правев сите овие години, но морам да повторам дека овој трофеј е твој исто колку што е мој. Ти благодарам од се срце“, рече тој.
Реакцијата на Иванишевиќ ги насмеа сите присутни.
View this post on Instagram
Да потсетиме, Ѓоковиќ често му вика на Иванишевиќ, но не со намера да се скара, туку да ја исфрли негативната енергија и да добие совет.
За Ѓоковиќ се мора да биде според правилата и затоа му требаат солидни луѓе во тимот кои ќе бидат адекватни критичари и советници.
View this post on Instagram
Тој комуницира со својот тим на пет начини:
1. Кога противниците ќе ја погодат линијата неколку пати, Новак се врти кон својот тим и коментира дека противникот има среќа.
2. Кога не е задоволен од својата игра, се врти кон соработниците и коментира што не прави добро.
3. Ја критикува својата игра, но само за да добие совет и фидбек од Горан Иванишевиќ, со кого комуницира за тениските работи.
4. Ако советот на Иванишевиќ не вроди со плод, тогаш тој го критикува Иванишевиќ и му проговара.
5. Кога е незадоволен од својата игра и сака да промени нешто, ги критикува членовите на тимот и им вика, често употребувајќи вулгарен речник.
Овие необични правила очигледно му помагаат на Ѓоковиќ да ја надмине кризата на теренот.
