Откако раскрсти со филмскиот свет, актерката Камерон Дијаз лансираше бренд за органско
вино заедно со нејзината пријателка, и тврди дека тоа целосно и го променило животот.
Поранешната актерка отворено проговори за мирот што го нашла откако решила да го напушти
Холивуд. Имено, Дијаз по завидната актерска кариера се насочи кон винарството.
-Мојот живот е сосема поинаков отколку во времето кога снимав филмови, откри актерката за
Harper’s Bazaar.
Пријателките Камерон Дијаз и Кетрин Пауер еден ден заедно испиле по неколку чаши вино и се
запрашале кои се всушност состојките на виното што го пијат.
-Разговаравме за тоа дека стануваме посвесни за она што влегува во нашето тело, го погледнавме
шишето со вино и сфативме дека тоа е еден од ретките производи без наведени
нутриционистички информации и состав – изјави претприемачката Кетрин Пауер.
Тие помислиле дека можат да создадат бренд на чисто вино, направено од органско грозје и без
тајни состојки. Меѓутоа, не знаеле ништо за производството на вино, па одлетале во Шпанија, а
потоа и во Франција за да се сретнат со одгледувачи на органско грозје, на кои потоа им понудиле
соработка за производство на вино розе.
– Го создадовме за потрошувачи како нас. Сакавме да создадеме вински бренд со висок стандард
на производство – истакна Дијаз.
Пријателките го лансираа својот бренд Avaline во 2020 година, среде пандемијата. До денес
нивните производи се наоѓаат на полиците на повеќе од пет илјади малопродажни места во САД,
а сега нивното вино доби нов изглед – шик лименки!
View this post on Instagram
