„Мило ми е што се вратив во Киев“, На Твитер напиша претседателката на Европската комисија, Урсула фон дер Лајен. Објавата е на англиски, но завршува со украинскиот извик „Европа е со тебе!“.
Фон дер Лајен вчера пристигна во главниот град на Украина со воз и без да ја најави својата мисија од безбедносни причини. Ова е втор пат од почетокот на војната таа да ги посети Киев и Украина.
🇺🇦 Good to be back in Kyiv.
With President @ZelenskyyUa I will take stock of the joint work needed for reconstruction and of the progress made by Ukraine on its European path.
Європа з вами! pic.twitter.com/JqtXvgamkV
— Ursula von der Leyen (@vonderleyen) June 11, 2022
Претседателката на Европската комисија Урсула фон дер Лајен вчера во Киев изјави дека е уверена во пристапот на Украина кон Европската унија и во проектите за обнова по војната, за време на заедничката прес-конференција со украинскиот претседател Володимир Зеленски.
„Комисијата подготвува мислење“ за можноста на Украина да ѝ се додели статус на земја-кандидат за членство во ЕУ, „работиме дење и ноќе и ви ветувам – му рече фон Дер Лајен на Зеленски – дека ќе работиме неуморно. Денешните дискусии ќе помогнат да го финализираме нашето мислење до крајот на следната недела. Вашиот пат е заснован на заслуги. Ги ценам огромните напори и решителност што ги имате во овој процес, Украинците покажаа неверојатна сила. Длабоко сум убедена дека заедно ќе ја надминеме ова страшна војна, ќе ја обновите оваа земја“.
Што се однесува до реконструкцијата, „работиме на платформа за реконструкција. Постои огромна желба за обнова, од страна на европските земји, другите пријатели, финансиските институции и секако бизнисите. Она што сакаме да го направиме е да создадеме заедничка насока за работа, патоказ за да се дефинира како да се организира реконструкцијата со целосна транспарентност за да ѝ се помогне на Украина да се издигне од пепелта“
Што се однесува до перспективата за кандидатура за ЕУ - за која Киев се надева на позитивен одговор на европскиот самит на 23-24 јуни, претседателката на Европската комисија рече дека Украина „веќе беше на вистинскиот пат пред руската инвазија. Оваа војна е огромен стрес тест. И целата земја станува посилна. Истиот дух е потребен за реформи и модернизирање на земјата. И Европа е тука да ве поддржи”. Претседателката ја пофали администрацијата, која „добро работи на сите нивоа, и покрај војната“, изрази задоволство од постигнатата „децентрализација“, и за напредното ниво на дигитализација на земјата. Што се однесува до договорот за асоцијација со ЕУ, „мора да се преземат понатамошни чекори“. Но, „Украина е во војна, вашиот фокус и нашата поддршка е да се надмине оваа страшна војна, но ние сакаме да гледаме подалеку, дури и со обновување“.
