Новак Радин, познат српски естраден менаџер, бил уапсен пред два дена во Белград, под сомнение дека учествувал во препродажба на кокаин. При полициската акција пронајдени се околу 50 грама кокаин и околу половина милион динари, како и недозволено поседување пиштоли и муниција од различен калибар. Радин ќе биде изведен на распит во Вишото јавно обвинителство во Белград, по што ќе бидат познати повеќе детали за овој случај.
Новак Радин е познат по своите соработки со големи имиња од српската естрада, меѓу кои Јелена Карлеуша, Шако Полумента, Андреана Чекиќ и Вук Моб. На својот Инстаграм профил често споделува фотографии со овие познати личности, давајќи увид во неговиот професионален живот и соработката со нив.
Го следат бројни познати личности, па јасно е дека многумина се шокирани од оваа информација за неговото апсење и едвај чекаат нови детали. Неодамна најмногу објавуваше фотографии со популарната пејачка Андреана Чекиќ, па се претпоставува дека ѝ бил особено близок.
Исто така, Новак е пријател и соработник на Ненад Алексиќ Ша, актуелен учесник на Елита, кој е познат по бројни скандали, а прашање е како ќе реагира Алексиќ кога ќе дознае што се случило во надворешниот свет.
Поранешната сопруга на Ненад, Ивана е блиска со Новак, што го потврдуваат и нивните заеднички фотографии на кои Радин ја нарекува „кума“.
