Еден од најдобрите кошаркари кои се родиле на оваа планета, Коби Брајант, го загуби животот во хеликоптерска несреќа заедно со уште четири лица, ексклузивно јавува медиумот „ТМЗ“ од САД, а веста ја пренесоа и повеќето светски медиуми.
Засега, нема детали за несреќата која се случила утрово во САД. Полицијата работи на случајот, а идентитетот на останатите лица не е познат.
Неофицијално, со него во хеликоптерот не била неговата сопруга Ванеса Брајант, а сите членови што патувале се мртви.
41-годишниот Брајант беше легенда на Лос Анџелес Лејкерс и целиот свој живот како играч им го посвети на „езерџиите“. „Црната Мамба“ имаше пет НБА-титули, а двапати беше МВП на финалињата.
