Една од најомилените поп изведувачи на Балканот, жена чиј глас буди најубави емоции, по повеќе од една деценија се враќа на белградската публика.
Нина е позната по својата безвременска убавина и волшебна фигура откако се појави на музичката сцена. Таа неодамна откри дека драстично го променила својот животен стил и дека во тоа голема улога имал најдобриот тенисер на светот Новак Ѓоковиќ.
„Откако се хранам вака, телото ми е во рамнотежа, кожата и косата ми се одлични, а имам милион пати повеќе сила и енергија отколку во претходните години кога не размислував толку многу за тоа каква храна ставам во моето тело“, напиша таа еднаш на својот Инстаграм профил.
– Ја следам диетата на Новак Ѓоковиќ и многу блиски луѓе кои вака се хранат со години и навистина сето тоа има смисла. Мојата сила тројно се зголеми. И духот и телото. Се чувствувам одлично, енергично, бистро, силно и препорачувам секој да си го зајакне имунитетот со здрава исхрана, а килограмите ќе се стопат. Оваа промена е начин на живот, а не еднократна диета, а придобивките од ваквиот начин на исхрана се навистина немерливи за нашето здравје и живот – додава таа.
Нина Бадриќ подготвува спектакл за паметење – нејзиниот солистички концерт во рамките на турнејата „Мои луѓе“ е закажан за 12 април во белградска арена!
