Хрватската музичка дива Тереза Кесовија откри што мисли за полуфиналниот настап на хрватските претставници „Лет 3“ на изборот за песна на Евровизија.
-Тие ми се пријатели, многу ги сакам. Ако некој сакаше да бидат најдобри, тоа бев јас, од самиот почеток“, изјави таа за Дубровачки дневник.
– Беа под некој чуден стрес на Евровизија. Не ми беа толку добри како на Дора. Но, мило ми е и среќна сум што се пласираа во финалето. Претпоставувам дека ќе сменат нешто. Додуша, не им се јавив, но би морале да бидат малку поживи и поуверливи, нешто ми фалеше. Можно е да имале трема, не е тоа само така, рече Кесовија и додаде дека не верува дека „Лет 3“ имаат шанса да победат.
– Би сакала за нив, но не и за песната која нема никаква уметничка вредност. Тие ми се мене симпатични и автоматски поради тие симпатии им давам повеќе гласови од другите. Рака на срце, се сомневам дека ќе бидат први.
Кесовија откри и што мисли за Евровизија.
– Целиот Евросонг е бесмислен, според мене. Залудно се фрлаат пари за оваа глупост, немаше ниту една песна што може да биде прифатлива, а камоли хит. Целата таа приредба е разочарувачка. Огромна галама и ништо повеќе. Ни тоа лајтшоу не беше нешто, постојано се повторуваше, само неколку кругови, точки… Не ме фасцинираше ама баш ништо, заклучи таа.
