Српската музичка ѕвезда Теа Таировиќ е една од најбараните пејачки, па не е чудно што со трудот успеа да си обезбеди недвижност во Белград, но одлучила да си купи и стан во Црна Гора, поточно во местото Луштица.
Како што пишуваат српските медиуми, нејзиниот стан сè уште не е готов, но полека се привршува и Таировиќ од следната година ќе може да ужива во својот нов недвижен имот.
Една од најпопуларните пејачки во моментов во регионот не сака да се фали колку заработува и што поседува на свое име, но со оглед на тоа што работи секојдневно, логично е да има пари да си обезбеди сè што ќе посака.
Да потсетиме, како што беше напишано претходно, Теа само годинава ќе заработи значителна цифра од 670.000 евра.
Инаку, Теа Таировиќ стекна огромна слава поради препознатлиот танц и песните.
Бројните хитови ја подигнаа нејзината кариера на повисоко ниво и со тоа го достигна самиот врв на музиката.
Постигнуваше успех по успех, а во една прилика во изјава за медиумите призна дека на почетокот на кариерата доживеала тешки моменти кои ќе ги памети до крајот на животот.
Имено, таа пред да се појави на музичкиот натпревар „Ѕвездите на Гранд“ настапувала со бенд, а раскажала како успеала да ги измами членовите на тој бенд само за да настапи со нив.
