Српската поп дива Јелена Карлеуша синоќа настапи во преполната сала на хотелот „Вучко“ во Јахорина. Таа со своите безвременски хитови ја загреа атмосферата до максимум!
Карлеуша изведувала хит по хит, а публиката заедно со неа ги пеела речиси сите песни, и од старите и од новите албуми „Алфа“ и „Омега“.
Карлеуша час пред полноќ се појавила во хотелот во брутално издание – облечена во тесен комбинезон со ефектен, шарен дезен, кој ја истакнал нејзината совршена линија и бујните атрибути.
Видно расположена Карлеуша дала изјава за спрски „Телеграф“ пред почетокот на настапот.
Јелена покрај бројните теми се осврнала и на својата колешка, регионалната ѕвезда Лепа Брена, која неодамна доживеа несреќа на концерт во Загреб, кога снимателот падна врз неа.
Брена се здоби со скршеница на ногата, поради што беше оперирана, а потоа, еден ден подоцна беше пуштена на домашно лекување, а сега е во Белград, во својата вила на Бежанијска коса.
Карлеуша ги имала најубавите зборови за поддршка за Брена. Таа посочила дека Лепа Брена треба да биде осигураме и заштитена, бидејќи е склона на повреди.
– Забележав дека Брена е склона на повреди, одвреме-навреме гледам дека има некаква повреда. Брена треба да биде заштитена и осигурена, по секоја сцена – нозете, рацете, главата… Затоа што е склона на повреди, а тоа едноставно ние не смееме да го дозволиме, бидејќи таа е национално и балканско богатство – рекла Карлеуша и додаде:
– Нашата работа не е толку лесна, само да излезеш и да пееш. Сè се случува таму. Уште поекстремна сум во таа смисла, имам продуцент кој сака да ме обесува на ѕвезда, снегулка, знаци… – низ смеа рекла Јелена Карлеуша.
