Службеник од полицијата од Лос Анџелес сведочеше на судењето за клевета на Џони Деп против поранешната сопруга Амбер Херд во вторникот, велејќи дека таа одговорила на повикот 911 во пентхаусот на парот во центарот на Лос Анџелес на 21 мај 2016 година. И таа не видела никакви знаци на физичко насилство на телото на Херд.
„Направив претрес на местото за да барам осомничен“, рече полицајката Мелиса Саенз во видео снимка. Саенз пред судот изјави дека таа и нејзиниот партнер-полицаец пребарале два пентхауси, но не нашле осомничени. Ниту имало траги за материјална штета. Кога адвокатите прашаа за трагите на лицето на Херд, Саенз рече дека Херд изгледала „поцрвенето“ како да плаче, но истакна дека не забележала никакви повреди.
Саенз, која е во полицијата на Лос Анџелес веќе 12 години, додаде дека не пријавила никакви повреди и го наведе инцидентот како „затворен“, бидејќи нема докази, според неа, за какво било кривично дело.
„Се сретнавме со жртвата. Ја проверивме локацијата, сопругот не беше таму, а жртвата не предупреди дека само што се скарале и дека нема да ни даде дополнителни информации. Бидејќи не откривме кривично дело, ѝ дадовме визит-картичка, со што и дадовме до знаење дека може подоцна да не контактира доколку сака да соработуваме“, рече Саенз.
Покрај дијагнозата дека Херд боледува од гранично растројство на личноста, д-р Шенон Кари рече дека актерката не страдала од посттрауматски стрес од бракот со Џони Деп, како што тврдела Херд.
„Госпоѓа Херд немаше посттравматско стресно нарушување и исто така имаше прилично значајни индикации дека таа грубо ги преувеличува симптомите на ПТСН кога од неа беше побарано да ги опише“, изјави Кари пред судот.
