Поранешен вработен го тужи Диди: Ја миел крвта и урината од чаршафите, имал секс пред него за да ја докаже својата лојалност
Тужбите против раперот Шон Комбс познат како Диди постојано се трупаат. Сега, поранешниот вработен Филип Пајнес во неговата тужба реши да открие грозоморни детали за случувањата на озлогласените забави на раперот.
Имено, Пајнес кој тврди дека работел за Диди од 2019 до 2021 година, поднел тужба против музичкиот магнат, наведувајќи дека бил принуден да организира „диви кралски ноќи“ на кои имало многу дрога и дека морал да има секс пред Комбс за да ја „докаже својата лојалност“.
Во новата тужба од 32 страници, до која дојде „Ролинг стоун“, Пајнс тврди дека Комбс го упатил да обезбеди различни видови на дрога и секс играчки за време на повеќедневните „сексуални забави“ и потоа да ги исчисти неуредните простории. Пајнс, исто така, тврди дека бил одговорен за црна торба „Гучи“, позната како „МВП торба“, во која наводно се чувале нелегални залихи за забава додека патувал со Комбс.
„Шон Комбс постојано му даваше инструкции на тужителот да се погрижи неговата спална соба и различни хотелски соби да бидат опремени со црвени светла, кофи за мраз, алкохол, марихуана, пакетчиња мед за либидото, бебешко масло, лубрикант ‘Астроглид’, крпи, нелегални дроги и секс играчки. Овие ноќи беа наречени ‘диви кралски ноќи’“, се вели во тужбата поднесена во Лос Анџелес.
Пајнс, исто така, тврди дека лековите што ги обезбедувал вклучувале апчиња за ‘ден потоа’ и апчиња за еректилна дисфункција.
„Тужителот морал да ги отстрани сите докази за дрога, презервативи, секс играчки, како и дамки како крв, урина и телесни течности од постелнината, мебелот и ги чистел сите предмети што се користат за време на „дивите кралски ноќи“, се додава во тужбата.
Адвокатите на Комбс ги отфрлија наводите во соопштение испратено до „Ролинг стоун“.
„Без разлика колку тужби ќе се покренат, тоа нема да го промени фактот дека г-дин Комбс никогаш сексуално не злоставувал или тргувал со некого – без разлика дали е маж или жена, возрасен или малолетник“, се вели во соопштението на неговите адвокати.
„Живееме во свет во кој секој може да поднесе тужба од која било причина. За среќа, постои фер и непристрасен правосуден систем за да се утврди вистината и г-дин Комбс е уверен дека ќе победи на судот“, додаваат тие.
Пајнс, кој тврди дека работел како главен асистент на Комбс од декември 2019 до декември 2021 година, вели дека не му било дозволено да ги остави бараните залихи за забава во хотелските ходници. Наместо тоа, тој морал да чека да го пуштат внатре, поради што бил „изложен против неговата волја на настаните во собата“, се наведува дополнително во тужбата.
Пајнс, исто така, тврди дека редовно оставал многу големи бакшиш за персоналот за чистење за да ги спречи да пријават што било и дека неговите должности за чистење вклучувале интимни видеа.
„Исто така, на тужителот му било наредено да ги ‘брише’ личните уреди на Шон Комбс, вклучувајќи, но не ограничувајќи се на лични телефони, лаптопи или таблети, од какви било компромитирачки видеа“, се наведува во тужбата.
Пајнс, исто така, тврди дека бил сексуално нападнат во една прилика кога Комбс, наводно, почнал да му ги масира рамениците, а потоа побарал да пие текила пред да го „турне“ кон една гостинка.
„Комбс сексуално ги триел рамениците на тужителот, велејќи му да ја покаже својата лојалност кон кралот и да го вметне својот пенис во гостинката. Тужителот ги соблекол панталоните и се изложил пред г-дин Комбс и гостинката која ставила презерватив на неговиот пенис“, се наведува во тужбата.
Според тужбата, Пајнс „не знаел што да прави и му било многу непријатно, но ги следел упатствата на г-дин Комбс од страв да не биде отпуштен и да биде ставен на црната листа“. Во тужбата понатаму се наведува дека откако се впуштил во сексуалниот чин „неколку моменти“, Пајнс застанал и „вознемирен ја напуштил собата“.
Пајнс исто така тврди дека за време на неговото вработување видел како Комбс клоца гостин во задникот и стомакот. Исто така, се наведува дека Комбс заразил неидентификувана славна личност со ковид за време на неговото патување по 51-ви роденден на островите Туркс и Кајкос.
Во новата тужба покрај Комбс се именувани и неговите компании „Комб ентерпрајзес“, „Бед бој ентртејмент“ и Кристина Хорам, долгогодишната високорангирана соработничка на Диди.
