Во понеделникот, на 16 март, лондонскиот магазин „Beauty papers“, најави дека на нивната насловна страница ќе се најде британскиот пејач Хари Стајлс (26).
На заводливите фотографии, популарниот пејач носи предизвикувачки модни париња, а на една фотографија е во мрежести чорапи и мокасини со марка Гучи, додека на следната слика носи одело на Гучи.
Кога дознаа дека згодниот Британец ќе ја краси насловната страница на овој магазин, фановите веднаш побрзаа преку официјалниот сајт да си обезбедат свој примерок.
Токму преголемиот интерес за да си го порачаат магазинот доведе до паѓање на сајтот!
Официјалната најава за ангажманот на Хари беше надополнета со едноминутно видео, кое го режираше Каспер Вакерхаузен Сејерсен.
Хари во видеото одговара на прашања, кои гледачите не ги слушаат, а облечен е во Гучи одело кое го носи и на промо фотографиите.
Од Гучи потврдија дека познатиот пејач во видеото покрај облеката носи и нивна козметика.
Introducing Mr Harry Edward Styles who collaborated with #beautypapers in an issue that viscerally responds to the shrinking freedoms of our world with an explosion of individuality, creativity, diversity and unity. @Harry_Styles #harrystyles pic.twitter.com/tGDHptRa6z
— Beauty Papers (@beautypapersmag) March 17, 2020
Познат по својот одличен вкус за мода, Стајлс често го истакнува својот личен стил во музичките видеа, како и на настапите.
