– Во следните денови времето во Македонија ќе се задржи сончево и ДОСТА ТОПЛО со мала до умерена локална облачност и со слаб до умерен ветер претежно од јужен правец. Утре ветерот ќе биде од југозападен и западен правец и повремено на некои места ќе биде засилен на интензитет. Сепак во попладневните часови повремено ќе има услови за ретка појава на нестабилност, проследена со краткотраен пороен дожд и ретки грмежи. Температурите ќе бидат речиси ЛЕТНИ и ќе се искачуваат во интервалот од 21 до 29 степени.
И во Скопскиот регион понатаму времето ќе биде сончево и ДОСТА ТОПЛО со мала до умерена локална облачност. Ќе дува слаб до умерен ветер претежно од јужен правец. Утре ветерот ќе биде од југозападен правец и повремено ќе засилува на интензитет. Температурите ќе се искачуваат во интервалот помеѓу 23 и 26 степени – вели метео прогнозерот Славчо Попоски.
