– Како што најавивме, за време на овој продолжен празничен викенд времето во Македонија ќе се задржи променливо облачно со повремени локални врнежи од дожд, и истите локално и повремено ќе бидат ПОИНТЕНЗИВНИ. На некои места ќе има услови за развој на нестабилност, проследена со пороен дожд, грмежи и засилен ветер. Температурите овие денови ќе се искачуваат во интервалот од 14 до 21 степен.
И во Скопскиот регион времето ќе биде променливо облачно со услови за повремени врнежи од дожд, а ќе има услови и за ретки грмежи. Температурите ќе се искачуваат во интервалот помеѓу 17 и 20 степени.
Барем одсега гледано, во поголем дел од следната недела времето ќе биде променливо облачно со повремени локални врнежи од дожд, а температурите ќе бидат во пораст и ќе се искачуваат во интервалот од 19 до 27 степени – вели метео прогнозерот Славчо Попоски.
