– Како што најавивме, утре времето во Македонија ќе се задржи стабилно, суво и сончево со мала до умерена локална облачност. Ќе дува слаб до умерен ветер од променлив правец. Температурите ќе се искачуваат во интервалот од 18 до 23 степени, и истите ќе бидат вистинско пролетни. И во Скопје и околината утре ќе се задржи стабилно, суво и сончево време со мала локална облачност. Ќе дува слаб до умерен ветер од северен правец, а температурата ќе се искачи до околу 20 степени – вели нашиот метео прогнозер Славчо Попоски.
Според Попоски во првите денови од следната недела ќе има повеќе облачност, кога ќе има услови за слаби локални врнежи од дожд.
