Откако беа видени заедно, светските медиуми на големо пишуваат дека НБА суперѕвездата Џими Батлер се гледа со Шакира, а конечно, сега, тој и лично ги искоментира гласините.
Познатата колумбиска пејачка (46) и кошаркарска ѕвезда (34) беа забележани заедно во јули, оваа година.
Џими во интервју за списанието „Ролинг Стоун“, бил прашан дали гласините за наводната врска со Шакира се вистинити, на што тој одговорил:
– Таа е неверојатно човечко суштество и е неверојатно талентирана, но никогаш не знаете што прават луѓето, тие само измислуваат работи. Само заради тоа што сме пријатели и таа живее во Мајами, а нејзините синови се големи љубители на кошарката – не значи дека ние двајца се забавуваме. Само затоа што луѓето се дружат не значи дека се во врска. Но, тоа на сите им дава материјал за зборување, така сите продолжуваат со таа приказна. Таа е многу кул и тоа е сè што имам да кажам! – изјавил Џими Батлер.
