Џо Бајден ќе испрати проектили со среден дострел во Киев, откако повтори дека руската територија не смее да биде погодена.
Соединетите Држави објавија дека ќе испратат „понапредни ракетни системи“ во Украина. Додека Европската унија штотуку го започна шестиот пакет санкции против Москва, вклучувајќи го ембаргото на руската нафта, но не и на гасот, Вашингтон ја зголемува воената поддршка за Киев.
Американскиот претседател Џо Бајден, кажа за Њујорк Тајмс дека неговата земја „ќе им обезбеди на Украинците понапредни ракетни системи и муниција што ќе им овозможи попрецизно да ги погодат клучните цели на бојното поле во Украина“. Бајден кажа и дека САД нема да испратат на Украина „ракетни системи што можат да ја погодат Русија“, односно проектили со дострел од околу 80 километри.
Во меѓувреме, руските сили се на работ да го заземат сратешкиот град Северодонецк, објави вчера гувернерот на областа Луганск, Сергеј Гаидаи. Тој ги повика жителите на овој „90% уништен“ град да останат во засолништа и да „подготват маски за лице натопени во раствор од сода“, откако „цистерна со азотна киселина“ на фабрика за хемикалии беше „погодена“ од напад од Русите.
Борбите се премногу опасни за да се овозможи евакуација на цивили.
