Северина Вучковиќ неодамна гостуваше во емисијата „Коначно петак“ каде меѓу другото зборуваше и за својот поранешен партнер Милан Поповиќ.
Водителката Маја Ченгиќ ја праша како успева после секој немил настан да биде уште посилна и поубава.
„Нека остане на тоа да пукнат душманите. Она што ми е драго е, што по големите настани, не се изгубив себеси и не се удавив во горчина. Навистина, можев да си седам цел месец во мојата фотелја и да следам што ми се случува, како да правам не знам ни јас што. Никогаш не сум измислувала работи, претпоставувам дека сум една од оние ликови на кои нештата им се случуваат без да сакаат“, рече таа.
Додаде дека маката ја трпела веќе 10 години, но дека се навикнала.
„Тоа е како чир на желудникот. Секој има своја болка, и јас го имам тој камен во чевелот“, рече таа.
Ченгиќ потоа ја праша дали мисли дека тоа некогаш ќе престане и дека другата страна ќе каже: „Добро, доста е“, на што Северина одговори:
„Мислам дека не. Тој ме сака толку многу, не може да живее ниту еден ден без мене. Тоа беше мојата дамнешна желба, уште кога бев мала. Тогаш се проколнав себеси затоа што сакав сите што ќе се заљубат во мене да останат заљубени во мене засекогаш. Само што се сетив на тоа пред една или две години“.
