Пејачот Сергеј Ќетковиќ објави дека е жртва на интернет измама и дека на интернет кружат профили кои се претставуваат како него.
Ќетковиќ апелираше до сите луѓе да не наседнуваат на лажни профили кои, како што вели, имаат негова фотографија и го користат неговото име.
Пејачот се огласи преку својот инстаграм-профил и објасни дека некој го користи неговиот лик и бара разни услуги, вклучително и пари.
View this post on Instagram
„Драги мои, за жал има такви кои лажно се претставуват и комуницираат со вас преку социјалните мрежи! Ве молам бидете внимателни и игнорирајте, пријавувајте и блокирајте ги сите оние кои се обидуваат да комуницираат со вас и бараат од вас какви било услуги или пари“, напиша Сергеј.
Тој додаде дека користи само еден профил:
„Целата комуникација од моја страна можете да ја добивате преку мојот официјален профил на Инстаграм и Фејсбук и на концертите! Ви благодарам за разбирањето“, се вели во објавата на популарниот пејач.
Како да препознаете интернет измами
Измамите често започнуваат со порака или апликација за запознавање, потоа се префрлаат на социјалните медиуми и на крајот на платформите за плаќање или крипто платформите.
За време на една измама, криминалците често се обидуваат да ги „провлечат“ жртвите низ многу различни платформи за да се осигурат дека секоја има ограничен увид на целокупната измама, што го отежнува нејзиното откривање.
