Легендарниот Терминатор му се обрати на рускиот народ, но наиде на жестоки критики во последниве денови од личности блиски до Путин
Пропагандната машинерија на Путин беше пуштена во погон во последниве денови со таргетирање на актерот и поранешен гувернер на Калифорнија.
Причина за спорот? Фактот дека глумецот на „Терминатор“, минатиот 17 март објави видео на своите социјални мрежи во кое, со кириличен превод, ја споредува руската инвазија во Украина со настаните извршени од нацистите за време на Втората светска војна: „Знам дека вашата влада ви кажа дека оваа војна служи за денацификација на Украина“, рече тој, обраќајќи му се директно на рускиот народ, за кој се вели дека тој самиот им е голем поддржувач: „Тоа не е точно. Украина има еврејски претседател. Еврејски претседател, би додал јас, чии тројца чичковци биле убиени од нацистите“.
„Гледате, Украина не ја започна оваа војна, ниту националистите или нацистите. Тие беа оние кои ја држеа власта во Кремљ “, продолжи Шварценегер. Актерот со австриско потекло тогаш отворено зборуваше за својот татко, што е прилично ретко за него: Густав Шварценегер бил нацист, дури и ако синот подвлекува како неговиот татко долго бил манипулиран со лагите што му ги кажала владата на Хитлер, со сериозни психолошки последици, долготрајни. Сè до неговата смрт во 1972 година: „Кога татко ми пристигна во Ленинград, целиот беше обвиткан од лагите на неговата влада. А кога замина од таму беше уништен, психички и ментално. Тој го живееше остатокот од својот живот во болка “.
Шварценегер ја завршува својата порака потсетувајќи на ефектите од руската цензура врз слободата на информирањето и обраќајќи му се на претседателот Путин: „Вие ја започнавте оваа војна, ја водите, Вие можете и да ја запрете“.
Видеото, иако многу срдечно, очигледно не наиде на посакуваниот одговор во Русија, барем на официјално ниво. Со оглед на „подземната“ популарност што ја добиваше клипот, дури и вестите и официјалните програми на руските телевизии мораа да почнат да се повикуваат на ова видео, но да ја искористат можноста да го оцрнат актерот.
Американскиот магазин „Дејли бист“ селектираше некои од изјавите што деновиве се слушнаа во руските медиуми, како онаа на ТВ водителот Вадим Гигин, кој го дефинираше Шварценегер како „заштитно лице на американскиот империјализам и колонијализам“: „Тој, во Калифорнија, сака да ни ја каже нам, кои живееме овде, … вистината?“.
Друг водител, Владимир Соловев, се сеќава како актерот заминал во Ирак во времето на војната што ја започна Буш и дека во тој случај „не се обидел да му објасни на ирачкиот народ зошто го уништуваат“.
Други огорчени мислења искажа шампионката во кревање тегови, Марјана Наумова, многу политички поврзана со Путин : „Се сеќавате дека во вториот дел од Терминатор херојот се враќа назад во времето за да го спречи создавањето на Скајнет?“, напиша спортистката: „Руската воена операција не е насочена кон уништување на украинскиот народ, туку овој неонацистички Скајнет што ја потчини Украина низ годините… Не биди на страната на Скајнет, Терминатору!“.
Дури и писателот Захар Прилепин, познат по тоа што се фали дека убил многу луѓе во последната војна во Донбас, доаѓа до парадоксот на спојување на фикцијата и реалноста: „Шварценегер, кој уби три милиони Руси во своите филмови, им кажа на Русите колку ги сака и колку грешиме во врска со Украина… Овој Австриец, син на татко кој беше во СС, и беше ранет во близина на Ленинград, сега сака да биде добар полицаец“.
