Денешниот ден, 27 април, низ музичката историја го одбележуваат неколку настани за кои можете да прочитате подетално во продолжение…
1942 година – Роден е Џим Келтнер, американски тапанар и еден од најбараните во светот на рок музиката, кој свиреше со низа на ѕвезди како Џон Ленон, Џери Гарсија, Ерик Клептон, Џо Кокер, Мик Џегер и Кит Ричардс (соло албуми), Боб Дилан, Нил Јанг, Пинк Флојд и така натаму.
1947 година – Роден е Питер Хем, велшки пејач, автор и гитарист најпознат како член на рок групата „Badfinger“ и коавтор на славната балада „Without you“ од опусот на Хари Нилсон.
1948 година – Родена е Кејт Пирсон, една од двете пејачки во американската група „The B-52s“.
1959 година – Родена е Шина Истон, шкотска поп пејачка.
1985 година – Дискотон го издаде петтиот албум на хард-рок групата „Дивлје јагоде“, која доби и нов член, басистот Златан Хериќ, што овозможи пејачот Ален Исламовиќ, кој дотогаш свиреше и бас, да и се посвети само на локалната интерпретација. Албумот го носеше името „Ватра“, а како најголеми хитови се одделија песните „Циганка“, „Лет на други свет“, „Ватра“ и баладата „Моја си“.
1999 година – Британскиот алтер рок бенд „The Verve“, основан 10 години порано, официјално го објавија својот крај.
