Софија Вергара и Џо Манганиело ги изненадија сите кога објавија дека се разведуваат по седум години брак.
И двајцата рекоа дека сакаат разводот да биде што е можно понормален и без драма и стресови. Сепак, парите може да бидат една од пречките се да тече мирно, бидејќи во договорот што парот го потпишал пред неколку години се во прашање 100 милиони долари.
Двајцата актери пред да се венчаат решиле дека е најдобро да се договорат со предбрачен договор во случај на развод. Во договорот било наведено дека двете страни, во случај на развод, треба да го поделат својот имот стекнат во брак.
Самата Вергара го потврди тоа на „The Howard Stern Show“ минатиот мај.
Адокатот специјализиран за разводи, Фредерик Џ.Сигел објасни за Пејџ Сикс дека Софија „ќе го бара тоа што е нејзино и тоа што таа го заработила, а тој пак, ќе бара се што тој заработил во бракот“, па ситуацијата за поделба на имотот изгледа ќе стане тензична.
Но, колкава е нето вредноста на секој од нив? Вергара вреди повеќе од Манганиело, бидејќи таа вреди околу 180 милиони долари, додека тој 40 милиони долари.
Дополнително, тука е и прашањето за нивниот брачен имот, бидејќи тие се преселиле на Беверли Хилс во 2015 година. Имотот, според ТМЗ, ѝ припаѓа на колумбиската актерка.
Сепак, куќата од неодамна била ставена на продажба и, според досегашните информации на американските медиуми, не се знае кому колку и што ќе припадне од парите од продажбата. Веројатно и тоа ќе се решава судски.
Потоа, тука е и прашањето што чија ќе биде чивавата (кучето), зашто и двајцата веќе се во конфликт кај кого да припадне.
