Некогашниот топ модел, Синди Крафорд (54), на Инстаграм објави фотографија од 1994 година, на која се наоѓа со својот денешен сопруг Ранде Гербер (57).
Тие двајца се веќе 22 години во брак, а сликата датира од нејзиното прво заедничко патување, кога се уште биле во врска.
Синди очигледно се присетила на денот кога таа и бизнисменот ја почнале својата врска и отишле на патување како љубовен пар, па оваа слика ја сподели со своите фанови.
Сликата ја објави поради предизвик на социјалните мрежи, а кој се вика „First date challenge“ и подразбира да објавите слика од првиот состанок со партнерот, доколку некој ве предизвика.
„Наше прво патување во 1994 година. Мислам дека оваа фотографија може да се искористи“, напиша Синди во описот на својата слика која ја објави на Инстаграм.
