Настанот е отворен, а целта е да се соберат донации за помош и заштита на бездомните кучиња од прифатилиштето на „Лајка“.
Утре (18.декември) од 14 до 17 часот во кафе барот „Цреша“ на ул. Иван Милутинивиќ број 8 во Скопје, ќе се случува донаторска акција за ЈП „Лајка“ и бездомните животни.
Од „Лајка“ апелираат дека се потребни ќебиња, чинивчиња, околувратници, поводници, играчки, креветчиња, чешли, аксесоари, храна за кучиња, прашаци за перење и универзални средства за чистење.
Акцијата е иницирана и поддржана од активистите, љубителите на кучиња, пријателите и соработниците на ЈП „Лајка“.
На настанот може да присуствувате и со вашиот домашен миленик.
