Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес Теа ни зготви превкусни панцероти.
– Не знам дали знаете дека во Милано постои пекара во која се прават највкусните панцероти и за нив се чека огромна редица за да си купите – раскажува Теа и ни открива рецепт за превкусни италијански панцероти кои мора да ги пробате!
– Јас ги обожавам со кечап, моцарела и босилек, додава Теа.
Потребни состојки:
700 гр. брашно350 – 400мл. млеко1 квасец1 јајце1 лажичка сол1/2 лажичка шеќер60 гр. путер или маргаринмастраф по желба (кечап, кашкавал, шунка, печурки, босилек, оригано итн.)Начин на подготовка:
Во малку млако млеко се става квасецот заедно со шеќерот да се растопат и се остава 10 минути да стаса.
Во длабок сад се става брашното и се меша со солта. Постепено се додава стасаниот квасец, останатото млеко, јајцето и растопениот путер. Се замесува средно меко тесто и се остава да стасува покриено со крпа 20 минути. По 20 минути тестото се размесува и се остава да стасува уште 20 минути.
Од тестото се расукуваат две кори од по 5 мм. Од ова тесто се сечат кругови големина на тацна, во средината се става мастраф по желба и со помош на калап се прават панцеротите.
Вака подготвените панцероти се редат на рамна подлога и потоа се пржат во поголема количина загреано масло.
Добар апетит!
