Пејачот и музичар Зоран Кики Лесендриќ доживеал сериозна несреќа кога паднал од дрво, а за среќа, последиците не биле трагични, пишува „Гранд“.
Во разговорот пејачот признал дека паднал од голема височина, а открил и дека се здобил со повреди кои сè уште го спречуваат да ужива во неговата омилена рекреација – тенисот.
– Малку го повредив рамото, па малку поклекнав – рекол Кики и објаснил како се случила несреќата.
– Спасував мачка од дрво, мачката избега во крошна, а јас паднав на земја. Ми пукна еден мускул – признал фронтменот на групата „Пилоти“, кој се качил на дрво за да му помогне на својот домашен миленик.
– Така е, се качив на дрвото пред студиото. Тоа е мојата мачка и очекував дека некако ќе се симне. Меѓутоа, таа беше исплашена. Беше во настрешницата цели 6 до 7 дена додека не дојде „Спасувачкиот тим Србија“ и професионално не ја спаси – додал рокерот.
Кики признал дека и самиот не бил свесен за опасноста во која се става себеси обидувајќи се да ја спаси мачката.
– Кога ми беше објаснето дека можев да се искршам како и повеќето луѓе при обидот да спасам мачки од дрво, што често се случува, и да бидам многу посериозно повреден – изјавил Кики.
Пејачот открил и од која висина паднал.
– Тоа е 5 метри, толку беше долга скалата, долга 5 метри кога стигнав до неа и потоа сè се заниша и… – открил фронтменот на „Пилот“.
Музичарот признал дека ниту за момент не помислил дека нешто може да тргне наопаку, со оглед на тоа што како млад често се качувал на дрвја.
– Бев падобранец во 63-та падобранска единица, ние знаеме да паднеме, така што самиот пад не ме повреди. Но, гранката за која се држев се скрши и ми отиде раката – изјавил пејачот.
Во сето ова, важно е дека неговата мачка на крајот поминала неповредена.
– Мачката е одлична, единствено што не е супер се моите резултати во тениската рекреативна лига, но тоа не е важно. Најважно во мојот случај е да учествувам, што би рекол Пјер де Кубертен. Сега имам физиотерапија, многу ми помогна Миљан, терапевтот на Новак Ѓоковиќ, како и Пеѓа. Тие се грижат околу тоа да ми биде подобро. И навистина се чувствувам подобро, и тоа многу. Можам да играм тенис иако не сум целосно фит, но тоа бара малку време, бидејќи рамото е можеби и најтешко за повреда – заклучил Кики.
